من ابرز تعليقاته الكوميديه علي ثورة الشعب الليبي :
لست ديكتاتورا لقطع الاتصال بـ "فيسبوك"، لكن سأعتقل كل من يدخل إليه.. احنا بنضرب الناس بالرصاص الحى لأن معندناش رصاص مطاطى لأنه مخالف للقوانين الدولية.. سأحكم بالسجن 5 سنوات على كل مواطن يقوم بالانتحار .. تظاهروا كما تشاءون، لكن لا تخرجوا إلى الشوارع والميادين، .. من حق المرأة أن تحصل على جميع حقوقها، سواء كانت ذكرا أم أنثى .. أيها الشعب لولا الكهرباء لجلسنا نشاهد التلفاز فى الظلام
أما عن تعريف القذافي للديموقراطيه :
فقد اعتبرها "كلمة عربية من مقطعين "ديمو" وتعنى بالنسبة له الدهماء و"كراسي"، وتعنى الكراسي ... يعنى حكم الجماهير الدهماء على الكراسي
وعن انتقاد القذافى للتطور الصينى فى مقابل التأخر الليبي وتصريحاته بهذا الشأن عندما قال: "فى الصين كل ثانية يولد مولود شوفوا التطور والتقدم فى الصين واحنا فى ليبيا مازلنا متأخرين كل 9 أشهر مولود جديد"
وعن الحس الوطنى للقذافى والتحامه مع شعبه :
بعد نزول القذافى فى المظاهرات ضد نظام حكمه مع شعبه وبعد ما شالوه على أكتافهم وهو بيهتف ضد حكومته طلب منهم يختاروا حد ينوب عنهم عشان يقول مطالبهم فاختاروه طبعا عشان يتفاوض مع نفسه، وطلب منهم فرصة يقعد مع نفسه شوية، وغالبا المفاوضات هتنتهى بتنحى القذافى وهيمسك البلد تانى بس بصفته زعيم الثورة .
أما عن "الست اللي ورا القذافي" التي سرقت الاضواء من "الراجل اللي ورا عمر سليمان"
فقد تحول البحث عن سر "رجل" عمر سليمان إلى محاولة الكشف عن "ست" القذافي علي موقع التواصل الاجتماعي الفيس بوك ، وتم إنشاء عشرات الصفحات والجروبات، التي تجاوزت الكشف عن السر إلى نقل أخبار ما يحدث في ليبيا، ومحاولة المصريين مساعدة الليبيين في احتجاجاتهم بنقل خبراتهم. .. فقد أصبحت الثورة المصرية نموذجا، يتحرى المتظاهرون في عدد من الدول العربية تطبيقه بحذافيره، ليس فقط في الهتافات والشعارات، بل وصل اتباع "كتالوج" الثورة المصرية إلى النكات والقفشات، وكما شغل "سر الرجل اللي ورا عمر سليمان" المصريين، فإن "سر الست اللي ورا القذافي" يشغل الجميع حاليا. .. عشرات الصفحات والجروبات تم إنشاؤها على موقع التواصل الاجتماعي "فيسبوك" للكشف عن سر هذه المرأة، وتعددت التعليقات والنكات من المشاركين، فقد كتب احدهم : "الظاهر يا جماعة إن السر بقى فى اللى ورا، واحد ورا عمر سليمان، وواحدة ورا القذافى، ولاعب يجى من ورا يجيب جون.. إذن انضم معانا لجروب معا للوراء" .. وكتب اخر : "يا جماعة احنا كدة هنتعب قوى دة كل طقم الحراسة بتوعه ستات، كدة بقى لازم نعمل جروب للست اللى واقفة جنبه، وجروب تانى للست اللى واقفة قدامه، والأسهل بقى اننا نغير اسم الجروب خالص ونخليه الستات اللى حوالين القذافى"
ليست هناك تعليقات:
إرسال تعليق