لا.. لا.. قبل 11 فبراير كان لنا حق نقول للناس معلش غصب عنا
دلوقت مافيش حاجة غصب عنا
احنا نازلين بكرة
مش في ميدان التحرير بس
مش قدام السفارة بس
مش قدام وزارة الخارجية بس
مش في القاهرة بس
في كل حتة في مصر.. في كل حتة مصر
مبعوث السفاح ده بيعمل ايه عندنا؟ احنا ما طردناش سفاح عشان يجيلنا مبعوث سفاح هنا، ربنا حيخرب بيتنا
اديني باقول لكم اهو، ربنا هو اللي نصرنا على مبارك بقولة يا رب... استضافة مبعوث النجس ده ربنا حيخرب بيتنا فيها
احنا في الشارع كلنا بكرة، ومن صباحية ربنا
في الشارع تضامنا مع ليبيا
في الشارع لطرد قذاف الدم مبعوث السفاح
في الشارع لاقالة شفيق وابو الغيط اللي قفلوا ابواب السفارة المصرية في وش المصريين وتمانية مصريين ماتوا، غير مئات الليبيين اللي ماتوا وكمان يستضيفوا لنا القذر ده هنا
برة يا قذاف الدم
برة
المفروض اساسا كنا نطرد سفير القذافي من هنا ونسحب سفيرنا بعد ما نرجع جاليتنا لو كنا ناس محترمين وعندنا كرامة
واظن احنا مشينا اللي كان بيهين كرامتنا
من بكرة كلنا في الشارع
من بكرة كلنا في الشارع
ليست هناك تعليقات:
إرسال تعليق